АҚШ президенті Джозеф Байден Конгресс Украинаға көмек ретінде $33 млрд бөлу туралы өтінішті тез арада мақұлдауы керек деп мәлімдеді.
Оның айтуынша, әйтпесе АҚШ Киевке көмек көрсетуді 10 күннен кейін тоқтатуға мәжбүр болады
АҚШ президенті Джо Байден Конгресті таяу күндері тиісті заң жобасына қол қоюы үшін Украинаға көмек ретінде $33 млрд көлемінде қосымша қаражатты бөлу туралы өтінішін тез арада мақұлдауға шақырды. Бұл туралы дүйсенбі күні АҚШ басшысының Ақ үйдің баспасөз қызметі таратқан мәлімдемесінде айтылған.
Оның айтуынша, егер оны мақұлдамаса АҚШ Киевке 10 күннен кейін көмек көрсетуді тоқтата тұруға мәжбүр болады. «Бұл шұғыл қажеттілік: мен украиналық жауынгерлерді қолдау үшін Конгресстегі екі партиялық көпшіліктің маған берген ресурстарын бітірдім. Біз Конгресстен одан арғы іс-қимылдарды күтіп тұрғанымызда, көмек көрсетудің тоқтап қалуына жол бере алмаймыз. Біздің 10 күн уақытымыз бар», — деп ескертті Ақ үй басшысы.
«Мен Конгресті Украинаға қосымша көмек көрсету туралы заң жобасын тез арада қабылдауға және оны алдағы бірнеше күн ішінде маған қол қоюға жіберуге шақырамын», — деп мәлімдеді ол. Байден, сондай-ақ, заң шығарушылар оның бастамасын бірауыздан қолдағанына және Конгрестің «оны іс жүзінде өзі ұсынған түрінде қабылдағанына» ризашылығын білдірді.
Президент бұған дейін Украинаға қаржы бөлуді АҚШ-тағы коронавирусқа қарсы күрес қажеттілігіне арналған қаржыландырудың жаңа пакетін бір заң жобасына енгізуді ұсынғанын атап өтті. Алайда, процессті ұзаққа созбау үшін ол енді осы идеядан бас тартуға дайын және Киевке көмек көрсетуді, содан кейін АҚШ-тағы пандемияға қарсы күрестің жаңа шараларын қарастыруды ұсынады. «Бізге осы маңызды әскери күш-жігерді кешіктіруге болмайды. Сондықтан Украинаға көмек көрсету туралы заң жобасы маған бірден қол қоюға жіберілуі үшін осы екі шара бөлек қаралатындай етіп жасалуына қарсы емеспін», — деп атап өтті АҚШ президенті.
