АҚШ президентінің баспасөз хатшысы Джен Псаки АҚШ пен Ресей басшылары алғашқы телефон арқылы сөйлесу барысында не талқылағанын айтты.
Әңгімелесу сейсенбі күні америкалық тараптың бастамасымен өтті — бұл туралы Байденнің баспасөз хатшысы Джен Псаки айтты.
Кремльдің баспасөз қызметі хабарлағандай, Путин Байденді мемлекет басшысы ретіндегі қызметінің басталуымен құттықтады. Ол сондай-ақ РФ мен АҚШ арасындағы қарым-қатынастың қалыпқа келуі «қос елдің мүддесіне сай келетінін» және «бүкіл халықаралық қоғамдастықтың мүддесі » екенін деп атап өтті.
Бұдан басқа, президенттер Стратегиялық шабуыл қару-жарақтары туралы шартты (СШҚ) ұзарту жөніндегі уағдаластыққа қол жеткізу туралы ноталар алмасуға ризашылығын білдірді. Кремльдің баспасөз қызметінің мәліметінше, жақын күндері тараптар маңызды халықаралық-құқықтық тетіктің одан әрі жұмыс істеуін қамтамасыз ететін барлық қажетті рәсімдерді аяқтайды.
Сондай-ақ, Путин мен Байден АҚШ-тың ашық әуе кеңістігі жайлы келісімнен біржақты шығуы, коронавирус пандемиясына қарсы күрес, Украинаның өз ішкі жағдайын реттеу сияқты тақырыптарды қозғады. Сондай-ақ, Иран ядролық бағдарламасы бойынша Бірлескен жан-жақты іс-қимыл жоспарын сақтау мәселесі және БҰҰ Қауіпсіздік кеңесінің тұрақты мүшелерінің саммитін өткізу туралы Ресейдің бастамасы талқыланды.
РФ Федерациясы Кеңесінің халықаралық істер жөніндегі комитетінің басшысы Константин Косачев РИА Новости-мен болған сұхбатында Путин мен Байден арасындағы әңгімені «маңызды және уақытылы» деп атады. Оның айтуынша, елдер арасында «диалогты дамыту үшін мүмкіндіктер» бар.