Алматы әкімі Бақытжан Сағынтаев еріктілерді қазақстандық вакцинамен вакциналау туралы айтып берді.
«8-9 қаңтарға дейін қалған барлық вакциналар қабылданады деп ойлаймыз. Мен күн сайын өзіміөзің қызметкерлерімізбен, дәрігерлерімізбен сөйлесіп тұрамын. Вакцина алғандардан ешқандай шағым болмады, жанама әсерлер болған жоқ», — деді Сағынтаев.
Әкім сондай-ақ, созылмалы аурулары бар тұрғындар мен жүкті әйелдер ерікті болуға ниет білдіргенін айтты. Оларды үйлеріне қайтарған — сынақ жүргізу үшін дені сау адамдар ғана қажет.
Сонымен қатар, қала басшысы ресейлік Спутник V вакцинасы туралы да сөз қозғады.
Ресейлік вакцина бойынша — Денсаулық сақтау министрлігі айтқандай, бізге алғашқы партия ақпан айында келеді. Ақпан айының ортасынан бастап вакцинацияны ресейлік вакцинамен бастаймыз. 2 млн дозалық келісімшарттық сан анықталды. Бізге әзірге 150 мыңы берілді. Бірінші жартыжылдықтың соңына дейін ресейлік вакцинамен өту керек. Бірінші жартыжылдықта қазақстандық вакцина да тіркеледі деп күтеміз», — деп атап өтті Сағынтаев.