Демалыс күндері ресейлік БАҚ беттерінде Қытайдан РФ-ға қару-жарақ жеткізіліп жатқаны туралы келіссөздер жүріп жатқаны туралы деректер жарияланды.
«Гулагу.Нет» редакциясының хабарлауынша, анонимді дереккөздерден ресейлік «Рособоронэкспорт» және «Ростех» компанияларының қатысуымен қытайлық зымырандар мен снарядтарды жеткізу туралы келіссөздер процесінің егжей-тегжейлері белгілі болды. Жеткізілімдерге Қытайда ашылған банк шоттарымен төленеді.
Қорғаныс өнеркәсібі саласының басшылығы немесе арнайы қызметтермен жақын дереккөздің мәліметінше, Қытайдан қару-жарақты Ресей туы қойылған коммерциялық көлікпен тасымалдау арқылы жасырын жеткізу жоспарланып отыр. Жөнелтудің ықтимал пункті Бейжіңнің оңтүстік-шығысындағы әуежай болады, ал жүкті түсіру бөгде адамдардан және спутниктерден барынша жасырын болуы үшін Жуковский әуежайына келеді.
Әзірге Кремль мәміленің егжей-тегжейі таралып кетуіне қатысты ресми түсініктеме берген жоқ. Дереккөзге келетін болсақ, билікке сенімсіздік пен сыбайлас жемқорлық ақпараттың «таралып кетуіне» түрткі болды. Автор «Гулагу.Нет»-ке жолдаған үндеуінде «ел басшылығы қару-жарақ жеткізіліміне соңғы тиындарын беретінін атап өтті. Олар өз қалтасынан көк тиын шығармайды, сондықтан көсемдеріміз үшін қатты алаңдаудың қажеті жоқ».
Айта кетерлігі, өткен аптада еуропалық «Reuters» басылымы украиналық дереккөздерге сілтеме жасап, УҚК Украинадағы соғыс алаңында ресейліктерден алынған қару-жарақта қытайлық компоненттер жиі кездесетінін мәлімдеді. Мәселен, украиналық әскерилер БАҚ-қа «Орлан» ҰҰА навигациялық жүйесінде қытайлық қосалқы бөлшектердің барын көрсетті.
Украина Президентінің кеңсесінің аға кеңесші Владислав Власюк басылымға тіпті екі нақты жеткізушіні — China North Industries Group (Norinco) және Xinxing Guangzhou Import & Export Co әскери компанияларын атады. «Reuters» түсініктемесінде екі компания, сондай-ақ Қытай сыртқы істер министрлігінің өкілі де қару-жарақ жеткізілімін жоққа шығарып, тек қана әскери емес сипаттағы сауда ынтымақтастығы болғанын айтып отыр.
Қытайлық қару-жарақ жеткізілімі туралы ақпарат таралып кеткеннен кейін Кремль ирандық ҰҰА жеткізілімі сияқты бұны да жоққа шығарады деп күтілген. Украиналық саясаттанушылар Мәскеу бұл жолы да қару-жарақ жеткізілімі туралы келісімдердің құпиялылығын қамтамасыз ете алмауы Бейжіңнің наразылығын туғызады деп отыр: біріншіден, бұл РФ-ға әскери қолдауды жоққа шығарған қытайлық саясаткерлердің алдыңғы мәлімдемелеріне қайшы келеді, ал екіншіден, агрессор елге жәрдемдескені үшін АҚШ тарапынан тергеулер мен ықтимал жаңа санкциялар қаупі төніп тұр. Бұл АҚШ-пен Тайвань үшін геосаяси қақтығыс жағдайында Аспан асты елі үшін жығылғанға жұдырық болады.