Биылғы жылдың бірінші қыркүйегінде Қазақстанның бұрынғы премьер-министрі Серік Ахметовтың жазасын өтеп болды.
Қылмыстық-атқару жүйесі комитетінің хабарлауынша, ол өз жазасын өтеп болуына байланысты тіркеуден алынды. Қазір ол белгілі бір лауазымдарды атқаруға тыйым салу түріндегі қосымша жаза бойынша Пробация қызметінде есепте тұр.
2015 жылдың желтоқсанында Серік Ахметов бюджет қаражатын жымқырды, қызмет бабын асыра пайдаланды және кәсіпкерлік кәсіпкерлік қызметке заңсыз қатысқаны үшін бес жыл бойы мемлекеттік лауазымдарды иелену құқығынан айырыла отырып, мүлкі тәркіленіп, 10 жылға бас бостандығынан айырылды. Ахметов кінәсін мойындамады, дегенмен Қазақстан Тұңғыш Президенті Нұрсұлтан Назарбаевтан сенімін ақтамай, «алаңдатып қойғаны» үшін кешірім сұрады.
2016 жылдың наурыз айында оның мерзімі 8 жылға дейін қысқартылды. Сот үкімнің жеңілдеуіне Ахметовтің шын жүректен өкініш білдіріп, 2,5 млрд теңге көлемінде залалды өтеуі түрткі болды деп түсіндірді.
2017 жылдың қыркүйегінде бұрынғы премьер-министрдің бас бостандығынан айыру жазасы тұрғылықты жерінде бостандығын шектеу жазасына ауыстырылды.
Назар аударғандарыңыз үшін барлығыңызға рахмет. Мен үйге барып демаламын, — деді Ахметов колониядан шығып бара жатып.
Кейін Серік Ахметов өзін шартты түрде мерзімнен бұрын босатуды сұрады, бірақ сот өтінішті қанағаттандырудан бас тартты. 2020 жылдың маусым айында сот өтініш берушінің кері қайтарып алуына байланысты шартты түрде мерзімінен бұрын босату туралы қайта жолданған өтінішті қараусыз қайтарды.
Серік Ахметов әр жылдары Теміртау қаласының әкімі, Қарағанды облысының әкімі, Көлік және коммуникация министрі, Қорғаныс министрі болған. Оның ісі 2015 жылғы ең даулы істердің бірі болды.