Басылымның мәліметінше, африкалық азамат 1904 жылы 8 мамырда дүниеге келген. Жасөспірім кезінде бүкіл отбасы мүшесі испан тұмауының пандемиясынан көз жұмған. Ол бүкіл өмірін фермерлікке және құрылыстағы жұмысқа арнады. Блом 46 жыл бойы бір әйелмен некеде тұрған. Олардың үш баласы, кейін бес немересі дүниеге келді.
114 жасында Блом темекі шегуді тастау туралы ойланады. Жасы үлкен болғанына қарамастан, ол өздігімен жүріп-тұра алатын және тек нашар естіп, жас кезіндегідей жылдам жүрмейтініне шағымданатын.
Өлімінен екі апта бұрын, туыстарының айтуынша, ол өзі отын жарып жүрген. Алайда көп ұзамай Блом үш күннің ішінде ғана жағдайы нашарлаған. Ұзақ өмір сүрген адам ауруханада табиғи себептерден қайтыс болды.
Блом ұзақ өмір сүрудің ешқандай құпиясы болмағанын, және оған жоғары күштердің қартайғанша өмір сүруге көмектескенін айтқан.
Фреди Бломды Оңтүстік Африканың ең қарт тұрғыны деп атаған. Оңтүстік Африканың ең ірі басылымдарының бірі The Times Блом ұзақ өмір сүретін адам ретінде әлемдік рекордқа шығуы мүмкін деп есептейді.
Ресми мәліметтер бойынша,ең қарт адам 116 жыл 54 күн өмір сүрген жапондық Дзироэмон Кимура . Егер Фреди Блом шын мәнінде 116 жыл 106 күн өмір сүрсе, онда оны ең ұзақ өмір сүрген адамдардың ең үлкені деп есептеуге болады. Қазіргі таңда ең қарт адамдардың бірі — Румынияның Бухарест қаласының 111 жастағы тұрғыны Думитру Команеску.
Жалпы танылған ұзақ өмір сүру рекорды француз Жанна Кальманға тиесілі, ол 1997 жылы 122 жаста және 164 күнде қайтыс болды. Зерттеушілер оның жасына күмән келтіреді.