Ливанда қауіпті қалдықтарды көмуге жарамды жерлер өте аз және оларды қайта өңдейтін қандай да бір қоймалар немесе нысандар жоқ екені белгілі.
БҰҰ-да пестицидтер, фармацевтикалық препараттар, өнеркәсіптік химикаттар және басқа да қауіпті улы заттары бар жүктер көп болған Бейрут портындағы жақында болған жарылыстардың экологиялық салдарларына алаңдаушылық білдірді.
БҰҰДБ сарапшылары Ливанның жағалау маңындағы экологиялық жағдай қайғылы оқиғадан әлдеқашан бұрын қауіпті болғанын айтады. Ал жарылыстар тек химиялық ластануды ушықтырды.
4 тамызда Бейрут портында бірқатар жарылыстар болды.Өңірдегі маңызды көлік торабының өзі ғана емес, сонымен қатар емдеу және оқу орындары мен азаматтық инфрақұрылымның басқа да нысандарын қоса алғанда, Ливан астанасының елеулі бөлігі де зардап шекті. Порттың қирауы салдарынан сынықтардан көп мөлшерде қоқыс пайда болды — 100 мың 800 мың тоннадан аралығында деп бағаланады.
БҰҰ-да Бейруттағы және оның маңындағы қоршаған ортаның химиялық ластануын болдырмау мүмкін емес деп қауіптенеді. Бейрут портында пестицидтер, фармацевтикалық препараттар, өнеркәсіптік химикаттар және түрлі ауыр металдар сақталған. Бұл химиялық заттар адамдардың денсаулығына теріс әсер етуі және топырақтың, судың және теңіз ортасының ластануына әкелуі мүмкін.
Ливанда қауіпті қалдықтарды көмуге жарамды жерлер өте аз және оларды қайта өңдейтін қандай да бір қоймалар немесе объектілер жоқ. Жарылыс Бейрут пен бүкіл таулы Ливанға қызмет көрсететін тұрмыстық қалдықтарды өңдейтін екі муниципалды кәсіпорынның біріне айтарлықтай зиян келтірді, жағдай ушығып барады.
Бұл бүгінде қоқыстың басым бөлігі тікелей қоқысқа жіберіледі деген сөз. Егер бұл мәселе шешілмесе, көп ұзамай ел тағы бір күрделі дағдарысқа тап болады.
БҰҰ мен Еуропалық одақ бірлесіп Ливанға қоқыс пен қалдықтарды экологиялық қауіпсіз жинауды ұйымдастыруға және оларды тиісінше кәдеге жаратуды қамтамасыз етуге көмектесуге тырысуда.
Бүгінгі таңда Бейрут портының аумағынан тыс жерлердегі қалдықтар мен қоршаған ортаға келтірілген залалдың көлемін, сондай-ақ порттың өзіндегі химиялық әсерді алдын ала бағалау жүргізілді. Дүниежүзілік банк қоршаған ортаға келтірілген залалдың ауқымын алдын ала бағалауды дайындады.
Жарылыстан кейін қоршаған ортаны қалпына келтіру үшін 100 миллион доллардан астам қаржы қажет болады деп болжануда. Естеріңізге сала кетейік, жарылыстардан зардап шеккен Ливанды қолдауға БҰҰ донорлардан 565 млн доллар сұраған болатын. Бұл қаржының бір бөлігі елорданы қалпына келтіруге жұмсалады.
БҰҰДБ сарапшылары бұл үдеріс экологиялық таза дамуды ілгерілетуге бағдарлануы үшін барлығын жасауға шақырады. Атап айтқанда, олар күн энергиясын пайдалануды, энергия тиімділігін арттыру бойынша шаралар қабылдауды, ал ғимараттарды қалпына келтіру кезінде тиімді оқшаулау материалдары мен тиісті дизайнды пайдалануды ұсынады.