Пара беру уәдесі мен ұсынысын криминализациялау: Антикордың түсініктемесі
Парламентте пара беру уәдесі мен ұсынысын криминализациялау мәселесі қаралуда. Қазақстанның сыбайлас жемқорлыққа қарсы қызметі бұл екі сөздің қалай түсінілетінін айтты.
«Пара беру ұсынысы деп ауызша немесе жазбаша, оның ішінде электрондық нысанда пара беру туралы анық және түсінікті сөз, ал пара беру уәдесі деп пара беру уақыты, орны, тәсілі туралы хабарламасы бар осындай сөз түсінілетін болады», — деп түсіндірді Антикор өкілдері.
2022-2026 жылдарға арналған сыбайлас жемқорлыққа қарсы саясат тұжырымдамасын іске асыру бойынша бекітілген іс-қимыл жоспарына сәйкес 2023 жылдың IV тоқсанында пара ұсынғаны және уәде бергені үшін қылмыстық жауапкершілікті енгізу жоспарлануда. Бұл — зиян келтіргенге дейін сыбайлас жемқорлықтың жолын кесуге бағытталған шаралар.
Сонымен қатар, Сыбайлас жемқорлыққа қарсы қызмет жемқорлардың жария тізілімін енгізуді жоспарлап отыр, тізілімде жемқорлық үшін сотталған адамның барлық деректері қамтылады. Бұл жұмыс берушілерге әлеуетті үміткерді тазалық пен адалдыққа тексеруге мүмкіндік береді. Бұл қадамдар Қазақстанның сыбайлас жемқорлыққа қарсы заңнамасын нығайтуға және қоғамның барлық деңгейінде сыбайлас жемқорлыққа қарсы күреске ықпал етуге арналған.