Ертең, жұма күні, 2022 жылғы 22 сәуірде Қазақстанның бес өңірінде дауылды ескерту жарияланды.
Бұл туралы «Қазгидромет» РМК баспасөз қызметі хабарлады.
«22 сәуірде Қызылорда облысының солтүстігінде найзағай күтіледі. Жел оңтүстік-батыстан соғады, күндіз облыстың орталығында күші 15-20 м/с күтіледі», — делінген бейсенбіде таратылған дауылды ескертуде.
22 сәуірде Қарағанды облысының солтүстігінде, батысында солтүстік-батыстан солтүстік-шығысқа жел ауысады, екпіні 15-20 м/с күтіледі.
«22 сәуірде түнде және таңертең Батыс Қазақстан облысының оңтүстік-батысында тұман. Күндіз облыстың солтүстік-батысында, батысында найзағай күтіледі. Жел солтүстік-шығыстан, шығыстан соғады, күндіз облыстың шығысында екпіні 15-20 м/с», — деп толықтырды «Қазгидромет».
22 сәуірде Атырау облысының солтүстік-шығысында күндіз найзағай күтіледі. Солтүстік-батыстан жел соғады, облыстың солүстігінде, батысында және орталығында 15-20 м/с. Атырау қ. 22 сәуірде солтүстік-батыстан жел соғады, күндіз екпіні 15-18 м/с.