ҚР Бас мемлекеттік санитарлық дәрігері Айжан Есмағамбетова қатаң карантинге тез арада оралатыны туралы қауесетті жоққа шығарды.
Әлеуметтік желілер мен мессенджерлерде 20 қыркүйектен кейін Қазақстанда карантиндік шектеулерді қатаңдату туралы ақпарат белсенді таралуда. Айжан Есмағамбетованың айтуынша, бүгінде коронавирус бойынша эпидемиологиялық жағдай маусым-шілде айларындағы жағдаймен салыстырғанда тұрақты.
«Мемлекеттік органдардың ақпаратын, яғни ресми ақпаратты пайдаланыңыз. Ал айтылғанның бәрі: жиналып, талқылап, кенеттен қыркүйек айында карантин саламыз деп шешті — мұндай ресми ақпарат жоқ. Барлығы қалыптасып, эпидемиологиялық жағдайға байланысты болады «, — деді Айжан Есмағамбетова Нұр-Сұлтандағы № 6 емханаға барған кезде
Оның айтуынша, күн сайын еліміз бойынша ғана емес, әр өңірде, елді мекенде мониторинг жүргізіледі.
«Қабылданатын барлық шаралар эпидемиологиялық жағдайға байланысты болады», — деп атап өтті Айжан Есмағамбетова.
Оның айтуынша, демалыс күндері шектеулерді алып тастау мәселесі әзірге қаралмай отыр.
«Демалыс күндері шектеулер қалды, бұл демалыс күндері адамдар көп жиналатын сауда-ойын-сауық орталықтарының жұмысы, жабық базарлар, фитнес-орталықтар, спа-орталықтар мен сұлулық салондары. Бұл ең минималды талаптар. Біздің міндетіміз эпидемиологиялық ахуалдың тұрақтылығын сақтап қалу және ауруды біртіндеп азайтуға жағдай жасау, — деді еліміздің бас санитарлық дәрігері.
