Қазақстанның Ұлттық банкі еліміздің алтын-валюта резервтері $1,4 млрд-ға қысқарғанын хабарлады.
«Алдын ала мәліметтер бойынша, алтын-валюта резервтері (АВР) бір айда $1,4 млрд-ға төмендеп, осы жылдың 30 маусымда $35,1 млрд құрады», — делінген Ұлттық банктің сейсенбі күнгі хабарламасында.
Ақпарат бойынша, АВР қысқаруының негізгі себебі — алтын бағас бір унция үшін $1892-ден $1758-ге дейін немесе АҚШ долларының нығаюына байланысты 7%-ға төмендеуі болып табылады.
Резервтердегі алтынның үлесі 62% болады, сондықтан резервтерге алтынның әлемдік бағасы әсер етеді, делінген ақпаратта.
Алтын бағасы құбылмалы болып қала береді және Бағасының күрт төмендеуінен алтын портфелінің бір бөлігін хеджирлеу үшін бұрын Ұлттық банк жасаған опциондарды орындау шеңберінде алтын қазіргі деңгейінен асатын қолайлы бағамен $1,5 млрд-қа өткізілді.
Еркін конвертацияланатын валютадағы активтер негізінен опциондық стратегиялар шеңберінде аллокирленбеген алтынды өткізу есебінен $1,5 млрд дейін өсті
