ҚР-да америкалық венчурлік қордың ақшасына жасөспірімдерді қаржылық сауаттылыққа оқыту бағдарламасы іске қосылады
Толығырақ! Америкалық венчурлік қор және стартап-акселератор 500 Startups
“QazTech Ventures” компаниясымен келісім аясында қазақстандыққа мың доллар инвестиция салды.
“AWSM Bank” – АҚШ нарығында жүзеге асырылып жатқан жоба, қазақстандық Әлібек Жүнісбаев негізін қалаған. Стартап жасөспірімдерге банктік қызметтердің толық спектрін ұсыну арқылы қаржылық сауаттылықты арттыруды ұсынады.
“Біз 13-18 жастағы балаларға қысқа, 30 секундтық бейнебаян форматында теориялық қаржылық білім береміз. Теориялық білімді практикалық дағдыларға айналдырып, оларға толыққанды, сонымен бірге қауіпсіз банктік қызмет көрсетеміз “, – деп атап өтті Әлібек Жүнісбаев.
Жобаның мақсаты жасөспірімдерге ақылмен жұмсау әдетін, жинақтау қажеттілігін, қарыздарды басқару, артық инвестиция салу дағдысын үйрету үшін қаржылық сауаттылықты үйренуге мүмкіндік беру. Басқаша айтқанда AWSM қаржылық білім беруді абстрактілі және теориялық білімнен практикалық, жеке және эксперименттік білімге айналдырады, бұл жобаның нарықтағы бәсекелестердің алдындағы негізгі артықшылығы осы.
“QazTech Ventures-тың V жаһандық қорға қатысуы бізге стартапқа инвестиция тартуға мүмкіндік берді. 500 Startups қолдауы біздің жобамыздың жылдам дамуына септігін тигізеді “, – деді Әлібек Жүнісбаев.
“Біздің негізгі міндетіміз – жергілікті және шетелдік нарықтарда жұмыс істейтін қазақстандық стартаптарға Қазақстанның венчурлік индустриясын дамыту арқылы инвестиция тарту және әлемдік аренада қатысуды кеңейту. 500 Startups компаниясымен ынтымақтастық алғашқы нәтижесін береді және біз стартаптарымызды дамыту бойынша жұмысты жалғастыруға ниеттіміз. Биылғы жылдың қыркүйек айында біз Demo Day өткізуді жоспарлап отырмыз, онда өз идеяларымызды таныстыру үшін технологиялық командаларды шақырамыз. Іріктеу қорытындысы бойынша перспективалы командалар шетелдік әріптестеріміздің инвестициясына таласа алады “, – деп түсіндірді”QazTech Ventures “АҚ басқарма төрағасының міндетін атқарушы Диас Бексолтан.
