Қазақстан Республикасының Мәжілісі екінші оқылымда кейбір заңнамалық актілеріне кредит беру кезінде тәуекелдерді барынша азайту және қарыз алушылардың құқықтарын қорғау мәселелері бойынша өзгерістер мен толықтырулар енгізу туралы заң жобасын қабылдады. Негізгі өзгерістердің бірі жеке тұлғаларға несие беру үшін жұбайының келісімі талап етіледі.
Бұл қадам азаматтардың берешек тәуекелдерін азайтуға және қарыз алушылардың құқығын қорғауға бағытталған. Жаңашылдықтарға сәйкес, банктер мен банк операцияларының жекелеген түрлерін жүзеге асыратын ұйымдарға бұдан былай жеке тұлғаларға жұбайының келісімінсіз несие бере алмайды.
Заң жобасында берешекке қатысты шектеулер де қарастырылған. Енді банктер 90 күннен астам төленбеген қарызы бар азаматтарға кепілдіксіз тұтынушылық несие бере алмайды. Сондай-ақ коллекторлық агенттіктер үшін жеке тұлғалардың кредиттері бойынша берешекті реттеу рәсімдерін жүргізуге міндеттейтін жаңа ережелер енгізілді.
Бұл шаралар қарыз алушылардың құқықтарын қорғауға және проблемалық қарыздарды реттеуге бағытталған.