Қазақстандық MMA файтері Шавкат Рахмонов өз ұлты туралы алыпқашпа әңгімелерге нүкте қойды. Файтердің айтуы бойынша, жас кезінде өзінің ұлты туралы әңгімелер оның титығына тиген, бірақ уақыт өте келе олармен дауласудың пайдасыз екенін түсінді.
«Ең бастысы, жүрегіммен қазақ екенімді сезінемін, өз тарихымды білемін. Менің ұлтым — қазақ. Әкем — қазақ, анам — қоңырат. Иә, мен Өзбекстанда дүниеге келдім, менің атым ерекше — қазақтарда осындай есім аз, араб тілінен алынған… Мен Өзбекстанда туғаныма, сол жерде оқығаныма қуаныштымын. Мен өз отанымды жақсы көремін. Мен Өзбекстанда туғанымды, ұлтымның қазақ екенін мақтан етемін», — деді Рахмонов.
Алыпқашпа әңгімелердің таралуына қарамастан, қазақстандықтың айтуынша, ол мән бермейді.
«Әрине, бұл әңгімелер әлі де айтылатын болады, бірақ оған мән бермеймін», — деп қосты файтер.
Естеріңізге сала кетейік, Рахмоновтың UFC-дағы соңғы жекпе-жегі өткен жылдың қазан айында өткен болатын. Ол лигадағы алғашқы жекпе-жекте бразилиялық Алекс Оливейраны жеңген.