Қазақстанда вейптарды сатуға және тұтынуға тыйым салынады

Бұл туралы Мәжіліс депутаты Аманжан Жамалов мәлімдеді.

Депутаттың айтуынша, темекіге салынатын акциздердің 70%-ы мөлшерінде акциз енгізу ұсынылды.

«Негізгі даудың себебі стиктерге (жылытылған темекі қосылған өнімдерге. — Ескерту) акциз салу мәселесі. Өздеріңіз білесіздер, бүгінгі күнге дейін Қазақстанда қыздырылатын темекіге ешқандай салық салынбаған. ДДСҰ мәліметінше ағзаға әсері, құрамындағы никотин құрамы және басқа да көрсеткіштері бойынша кәдімгі темекіден кем емес. Бүгін депутаттар бұл стиктерге акциз салу туралы шешім қабылдады. Оларға кәдімгі темекіге салынатын акциздердің 70 пайызы көлемінде акциз енгізу туралы шешім қабылданды.

Сонымен қатар, Қазақстанда сұйықтық, газ және тағы басқа бар темекі қоспалары бар электронды құрылғыларды сатуға және тұтынуға Денсаулық сақтау туралы кодексіне тыйым салатын түзетулер енгіземіз. Оларды Қазақстанда сатуға және тұтынуға толық тыйым салынады. Сондықтан біз Салық кодексінен бұл түсініктерді алып тастадық», — деп түсіндірді ол Мәжіліс отырысынан кейін.

Добавить комментарий