Қазақстанда мектеп бағдарламасын өзгертіп, нашақорлық, вейпинг және лудоманияға тәуелділік тақырыптарын енгізуді жоспарлап отыр. Бұл туралы ҚР Оқу-ағарту вице-министрі Еділ Оспан мәлімдеді. Оның айтуынша, мүдделі мемлекеттік органдармен жол картасы мен жоспар бойынша жұмыс жүргізіліп жатыр.
7-9 сыныптарға арналған «Биология» пәнін жаңарту шеңберінде адамның дамуы үшін темекі шегу мен есірткінің зияны тақырыбы енгізіледі. Сондай-ақ, «Дүниетану» және «Жаратылыстану» пәндері аясында салауатты өмір салты бойынша кездесулер өткізу жоспарлануда.
Вице-министр оқушыларға ақпараттық-түсіндіруге полиция қызметкерлері мен медицина қызметкерлері қатысады, оған 90 мыңнан астам маман тартылатынын атап өтті.
Қазақстанда вейпингтің зияны туралы пікірталас ұзақ уақыт бойы жүргізілді. 2024 жылдың басында Мәжіліс депутаттары электрондық тұтыну жүйелерін әкелуге, өндіруге, сатуға және таратуға тыйым салуды қоса алғанда, елдегі вейптерге толық тыйым салуды көздейтін заң жобасын қабылдады.