Қазақстан Премьер-Министрінің бірінші орынбасары Роман Скляр Қазақстандағы утиль алымды алып тастау мүмкіндігіне қатысты пікір білдірді.
Оның пікірінше, мүмкін емес ештеңе жоқ. Алайда көршілес мемлекеттерде утиль алым ақысы бар. Қазақстанда біздің өндірушілерді қорғаудың басқа тетіктері жоқ.
«Мүмкін емес ештеңе жоқ. Ешнәрсені жоққа шығаруға болмайды. Бірақ біз біртұтас экономикалық кеңістікте екенімізді және көршілерімізде бұл утиль алымы барын ұмытпау керек. Бізде өз өндірушілерімізді — машина жасаушыларды және басқаларды да қорғау үшін басқа тетіктер жоқ. Мемлекет экономиканың кез келген саласын қолдайды», — деді Роман Скляр.
5 мамырда Экология, геология және табиғи ресурстар министрінің м.а. 2022 жылғы 29 сәуірдегі бұйрығымен утиль алымды төлемін есептеу әдістемесіне өзгерістер енгізілгені хабарланған. Атап айтқанда, автокөлік құралдары мен өздігінен жүретін ауыл шаруашылығы техникасына қатысты утиль алым төлемінің коэффициенттері екі есеге төмендетілді.
Сондай-ақ утиль алым есептелетін көлік құралдарының түрлері мен санаттарына нақтылаулар енгізілді.
Енді жеңіл көліктерге, соның ішінде өтімділігі жоғары көліктерге, сондай-ақ ауыл шаруашылығы техникасына, оның ішінде тракторлар мен комбайндарға үшін тарифтер 50 АЕК (153 150 теңге) болады.
Бұл жағдайда жеңіл автомобильдер үшін мынадай коэффициент қолданылады:
электрлі көліктер үшін – 0;
қозғалтқыштың көлемімен:
1000 куб текше метр дейін — 1,5;
1001 куб текше метрден 2000 куб текше метрге дейін — 3,5;
2001 куб текше метрден бастап 3000 куб текше метрге дейін — 5;
3001 куб текше метрден астам — 11,5.