Қазақстанда сыртқы саудадағы тауар айналымы төмендеді

Қазақстанда тауарлар экспорты мен импорты 2019 жылдың сәйкес кезеңімен салыстырғанда 2020 жылдың қаңтар-тамыз айларында 12 пайызға дейін төмендеді.

Сыртқы сауда айналымының көлемі $55,6 млрд. құрады. Оның ішінде 57,3% ($31,85 млрд) экспортқа және 42,7% ($23,78 млрд) импортқа тиесілі. Төмендеу үрдісі экспортта да (15,7%), импортта да (6,4%) байқалады.

Шикізат бағасының төмендеуі, пандемияның салдары, сондай-ақ негізгі валюталар бағамдарының құбылмалылығы сияқты факторлар қолайсыз серпін туғызады.

Сегіз айдың қорытындысы бойынша негізгі сауда серіктестері:

  • Ресей (Қазақстанның тауар айналымындағы үлес салмағы 20%) — өзара сауда көлемі $11,1 млрд құрады;
  • Қытай (17,8%) — тауар айналымы $9,9 млрд құрады;
  • Италия (9,4%) — тауар айналымы $5,3 млрд құрады;
  • Корея Республикасы (7,9%) — тауар айналымы $4,4 млрд құрады;
  • Нидерланды (4%) — тауар айналымы $2,2 млрд құрады.

Қазақстандық экспорт құрылымында ЕАЭО елдері 10,5%, үшінші елдердің үлесіне 89,5% тиесілі. 2020 жылдың сегіз айында Қазақстан ЕАЭО елдеріне $3,3 млрд болатын тауар экспорттады, алайда көлемі өткен жылдың сәйкес кезеңімен салыстырғанда 18,6%-ға азайды. Үшінші елдерге экспорт көлемі $28,5 млрд құрады, бұл 2019 жылғы қаңтар-тамызбен салыстырғанда 15,4%-ға аз.

ЕАЭО-ға мүше мемлекеттерден жеткізілімдер ҚР-ның жалпы импортында 36,5%, ал үшінші елдердің үлесіне қалған 63,5% тиесілі. Ағымдағы жылдың қаңтар-тамызында ЕАЭО елдерінен импорт 9,5%-ға қысқарып, $8,7 млрд құрады. Үшінші елдерден импорттың құлдырау қарқыны 4,5%-дан $15,1 млрд. дейін құрады.

2020 жылдың сегіз айының қорытындысы бойынша ЕАЭО елдеріне экспорттың негізгі тауарларының тізіміне металл прокаты ($450 млн), темір кендері ($334 млн), бағалы металдар кендері ($314 млн), уран ($241,9 млн), мыс кендері ($192,3 млн) және т.б. кірді.

Үшінші елдерге Қазақстанның негізгі экспорты мұнайдан ($17,1 млрд), мыстан ($1,8 млрд), табиғи газдан ($1,7 млрд), ферроқорытпалардан ($1 млрд), ураннан ($974 млн) және т.б. тұрады.

Ағымдағы жылдың қаңтар-тамыз айларында Қазақстан ЕАЭО-ға мүше мемлекеттерден негізінен бағалы металдар кендерін ($228,9 млн), табиғи газды ($225,8 млн), мұнай өнімдерін ($207,5 млн), алтынды ($200,4 млн), жеңіл автомобильдерді ($195,7 млн) және т.б. импорттады.

Үшінші елдерден келетін импорттың негізгі тауарларының тізбесі тоңазытқыш жабдықтардан ($1,1 млрд), әуе немесе компрессорлық сорғылардан ($1,1 млрд), дәрілік заттардан ($658 млн), құбырларға арналған арматуралардан ($538,3 млн), телефон аппараттарынан ($524 млн) және т.б. тұрады.

Добавить комментарий