Қазақстанда оқушылар екі тілде білім алуы тиіс

Қазақстан Президенті Қ.К. Тоқаев балалар қазақ және орыс тілдерін меңгеруі керек екенін мәлімдеді.

Оқу-ағарту министрлігі популистердің жетегінде кетпей, балалардың мүддесін қорғауға тиіс

Қазақстанда қазақ тілін де, орыс тілін де жақсы білетін балаларды тәрбиелеуіміз қажет, деп мәлімдеді президент Қасым-Жомарт Тоқаев.

Жаһандық ғылыми-техникалық даму барысын ескерсек, жоғары сыныптарда жаратылыстану-математика пәндерін және ағылшын тілін оқытуды барынша күшейту маңызды.

«Қоғамда қазақ және орыс тілін мектепте оқыту мәселесі жөнінде пікірталас болып жатыр. Нақты айтайын: біз қазақ тілін де, орыс тілін де жақсы білетін балаларды тәрбиелеуіміз қажет. Себебі, бұл ұрпақтың мүддесі үшін керек. Оқу-ағарту министрлігі популистердің жетегінде кетпей, балалардың мүддесін қорғауға тиіс», — деп мәлімдеді Қасым-Жомарт Тоқаев Қазақстан халқына Жолдауында.

Президенттің айтуынша, Білімді және бірнеше тілді меңгерген ұрпақ болашаққа сеніммен қадам басады.

«Біздің күшіміз – жастардың білімінде», — деп түйіндеді сөзін Мемлекет басшысы.

Добавить комментарий