Қазақстанның Алматы облысында кеңес уақытынан бірнеше ауылдың атаулары өзгерді. Облыс әкімі Марат Сұлтанғазиев Ауылдық округтердің атауын өзгерту туралы қаулыға қол қойып, нормативтік құқықтық актілердің эталондық бақылау банкіне жарияланды.
Іле ауданы Энергетикалық ауылдық округі Өтеген батыр ауылдық округі, ал Покровка ауылы Кенен Әзірбаев ауылы болып өзгерді.
Чапаев ауылдық округі мен Чапаево ауылының атауы Байкент ауылдық округі мен Байкент ауылы болды. Междуреченск ауылдық округі мен Междуреченск ауылы енді Ақсай ауылдық округі мен Ақсай ауылы болды.
Талғар ауданындағы Панфилов ауылдық округінің Қызыл-Ту-4 ауылы енді Жібек жолы ауылы деп аталады.
Сонымен бірге, Іле ауданына қарасты КазЦИК ауылдық округінің Комсомол ауылы Жайнақ ауылы деп атау туралы шешім қабылданды. Іле ауданының КазЦИК ауылдық округі мен КазЦИКауылы Асқар Тоқпанов ауылдық округі және Асқар Тоқпанов ауылы болып өзгертілді.
Кеген ауданының Жалаңаш ауылдық округі мен Жалаңаш ауылы Жалағаш ауылдық округі және Жалағаш ауылы болып өзгертілді.
Алматы облыстық мәслихатының бірлескен шешімі мен облыс әкімінің қаулысына сәйкес өзгерістер 24 ақпаннан бастап күшіне енеді.