«Құқық қорғау қызметі туралы» заңға енгізілген өзгерістердің күшіне енуіне байланысты 2020 жылдың 1 қаңтарынан бастап ішкі істер органдарына қызметке қабылдаудың жаңа ережелері қолданылатын болады.
«Жаңа тәртіп ІІО қатардағы, кіші және орта басшы құрамдағы лауазымдарға алғашқы кәсіби даярлық арқылы конкурс пен сынақ мерзімін алып тастау арқылы іріктеу тәртібін жеңілдетеді», — деп атап өтті ІІМ.
Ішкі істер органдарының басшыларына қойылатын талаптар күшейтілді.
Қызметке қабылдаудың жаңа ережелері ІІМ Кадр саясаты департаменті ұйымдастырған арнайы семинар барысында түсіндірілді. Оған кадр саясатына жетекшілік ететін аумақтық ІІО бастықтарының орынбасарлары және ІІМ, ТЖК, ҚАЖК және МКҚБ білім беру ұйымдары басшыларының орынбасарлары, сондай-ақ кадр бөлімшелерінің жеке құрамы қатысты.
«Қазіргі уақытта қоғаммен өзара іс-байланыстың жаңа форматына көшу қажет. Әрбір полиция қызметкері халықпен ашық диалог жүргізуді үйренуі тиіс. Бұл бағыт кадрларды даярлау және іріктеу жүйесінде басымдыққа ие болуы тиіс», — деп атап өтті ІІМ Кадр саясаты департаментінің бастығы Айдар Сайтбеков.
Атап өтілгендей, ІІО-ға қызметке кіру конкурстық негізде жүзеге асырылады, бірақ бұл тәртіп бастапқы кәсіптік даярлықтан өткендерге қолданылмайды
Осылайша, конкурстық негізде:
- аға және жоғары басшы құрам лауазымдарына қызметке қабылдау;
- кемінде 1 ай тәжірибеден өту.
Тәжірибе аяқталғаннан кейін тәжірибе өтуші сынақ мерзімімен қызметке тағайындалады. Басшылық қызметіне тағайындалатын адамдар үшін сынақ мерзімі белгіленбейді.
Бастапқы кәсіби даярлық арқылы (конкурстан тыс):
- қатардағы, кіші және орта басшы құрам лауазымдарына қызметке қабылдау.
Кәсіптік бастапқы даярлыққа қабылдау туралы бұйрық тыңдаушыны тәжірибеден өтушінің қабылдауына негіз болып табылады. Бастапқы кәсіби даярлық аяқталғаннан кейін бір ай ішінде сынақ мерзімінсіз қызметке тағайындалады.