KASE қор биржасында АҚШ валютасы шамамен 468 теңгеден саудаланды
Бүгін Астананың ақша айырбастау пункттерінде АҚШ доллары 471 теңгеден, Алматыда 471,5 теңгеге саудаланды.
Қазақстан қор биржасында (KASE) доллардың орташа сараланған бағамы 30 қарашада сағат 11:00-де 468,06 теңге болды.
Елорданың ақша айырбастау пункттерінде америкалық валютаны сатудың ең максималды бағамы сағат 11:15-де 471 теңгені, Алматыда 471,5 теңгені құрады.
Ұлттық банктің 30 қарашадағы ресми (нарықтық) бағамы 1 доллар үшін 468,43 теңгені құрайды. Теңгенің долларға қатысты ресми бағамы келесі күні Қазақстан қор биржасындағы сауда-саттық нәтижелері бойынша белгіленеді.