Қазақстан билігі республика аумағынан дизель отынын әкетуге тыйым салу туралы шешім қабылдады.
Бензин мен дизель отынын әкетуге тыйым салу «Қазақстан Республикасының аумағынан мұнай өнімдерін әкетудің кейбір мәселелері туралы» бұйрықпен енгізіледі. Құжат ҚР Нормативтік құқықтық актілерінің эталондық бақылау банкінде жарияланды.
«Қазақстан Республикасының аумағынан бензиндерді, дизель отынын және мұнай өнімдерінің жекелеген түрлерін (ЕАЭО СЭҚ ТН) автомобиль көлігімен әкетуге алты ай мерзімге тыйым салу енгізілсін 2709 00, 2710, 2902, 3403, 3811, 3826 00), жағар майлардан басқа (ЕАЭО СЭҚ ТН 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0), автомобиль көлік автомобиль көлік құралдарын дайындаушы зауыт көздеген бензин бактарында, сондай-ақ көлемі 20 литрден аспайтын жекелеген сыйымдылықтарда әкетуді қоспағанда», — делінген құжатта.
Бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Еске салайық, Энергетика министрлігі биылғы маусымда фермерлер үшін дизель отынының тапшылығы қаупін жоққа шығарды. Егістік жұмыстарына биыл аграийлерге 800 мың тонна дизель отыны, оның ішінде көктемгі егіс жұмыстарына 400 мың тонна отын бөлінді. Көктемгі егіс жұмыстарына арналған дизель отынының бағасы МӨЗ бағасы тоннасына 212 мың теңге (литріне 176 теңге. Өңірлерге дейін жеткізуді және сақтауды ескере отырып, АШТС үшін баға бөлшек сауда бағасынан (230-260 теңге/литр) орта есеппен 15-30%-ға төмен.