Қазақстандық ғалымдар ПТР-талдауларға қарағанда коронавирустық инфекцияны диагностикалаудың жылдам тәсілдері бар екенін түсіндіреді. Қазіргі уақытта COVID-19 анықтау үшін отандық тест жүйесін құру бойынша әзірлемелер жүргізілуде.
Қазақстандық ғалымдар коронавирустық инфекцияны анықтау үшін жаңа тест жүйесін әзірлеуде.
Мамандардың айтуынша, ПТР-талдаудан гөрі баламалы және жылдам әдістер бар.
Бұл “Тоқта Коронавирус “байқауы аясында ұсынған әдіс. Әдіс изотермиялық амплификацияға негізделген. Бұл әдіс өте арзан, инкубациялық кезеңде вирусты анықтауға қабілетті және қымбат құрал-жабдықтардың болуы қажет емес “, – деді Биология және өсімдіктер биотехнологиясы институтының молекулалық биология зертханасының меңгерушісі Диляра Гриценко.
Ғалымның айтуынша, қазір тест-жүйенің дизайны әзірленді, алайда ресурстар, оның ішінде жобаны іске асыру үшін қаржылай көмек қажет.
“Ең бастысы, әдісті шағын қалаларда, шалғай ауылдарда пайдалануға болады. Бұл әдісті жүргізу үшін жоғары білікті кадрларға да қажеттілік жоқ. Мұнда көптеген артықшылықтар бар. Қазіргі таңда біз аталған тест-жүйенің дизайнын толық жасадық, тек материалдарға және сәйкесінше аталған тест-жүйені іске асыру үшін қаржылай көмекке қажеттілік бар “, – деді Диляра Гриценко.
