БҰҰ-ның Қазақстандағы ресми өкілдігі қазақстандықтарға 105 мың теңге мөлшеріндегі қаржылай көмек көрсететіні туралы TikTok-та таралып жатқан ақпаратты жоққа шығарды. Stopfake.kz сайты БҰҰ ұйымы ұсынатын барлық көмек ресми бағдарламалар мен әріптестік ұйымдар, оның ішінде үкіметтік мекемелер мен үкіметтік емес ұйымдар арқылы жүзеге асырылатынын айтты.
Видео авторының айтуынша, көпбалалы отбасыларға, ТЖ кезінде зардап шеккен мүгедектерге және барлық зейнеткерлерге көмек көрсетіледі. Төлем мөлшері — 105 мың теңге. Әйелдің айтуынша, халыққа қызмет көрсету орталықтары «қазақстандықтарға БҰҰ-дан ақша» төленетіні туралы ақпаратты жасырып отыр.