Премьер-Министрдің орынбасары — ҚР Сауда және интеграция министрі Бақыт Сұлтанов Еуразиялық экономикалық комиссия кеңесінің кезектен тыс отырысына қатысты.
«ЕЭК Кеңесінің кезектен тыс отырысында Қазақстанның Ақ қант пен шикі қанттың бажсыз импортына арналған квотаны 2022 жылғы 31 қазанға дейін ұзарту туралы ұсынысы мақұлданды. Бұған дейін квотаның қолданылуы 31 тамызда шектелген болатын», — деп хабарлайды ҚР СИМ баспасөз қызметі.
ҚР сауда және интеграция министрінің айтуынша, «бұл шара ішкі нарыққа импортталатын қантты жеткізу құнын төмендетуге мүмкіндік береді».
«Қазір біз бірқатар елдермен қанттың үлкен көлемін жеткізу туралы келісім сөздер жүргізіп жатырмыз. Ал қарашаға қарай қазақстандық зауыттардан да, ЕАЭО елдерінен де жаңа дақылға қызылша қантын жеткізу басталады», — деп хабарлады Бақыт Сұлтанов.
Сонымен қатар, Қазақстан АҚ қант пен шикі қанттың бажсыз импортына квота көлемін ұлғайту туралы келісім сөздер жүргізуде.
Қазіргі уақытта Қазақстанның квотасы 2022 жылғы тамызға дейін нөлдік импорттық кеден бажымен 350 мың тонна ақ қант пен шикі құрғақ қантын құрайды», — деп еске салды ҚР СИМ баспасөз қызметі.
