Energyprom мәліметі бойынша, 2023 жылдың үшінші тоқсанының соңында Қазақстанда қала халқы 12,4 миллионға дейін өсті, бұл былтырмен салыстырғанда 2%-ға көп және бес жыл бұрынғы көрсеткішпен салыстырғанда 17%-ға жоғары. Бұл көрсеткіш ел халқының жалпы санының 62%-ын құрайды, өткен кезеңдермен салыстырғанда ол сәйкесінше 57,8% және 55%-ды құраған.
Алматы әкімі Ерболат Досаев 2030 жылға қарай Алматы агломерациясының халқы 4,5 миллион болады деген болатын.
Ол сондай-ақ Қазақстан президенті Қасым-Жомарт Тоқаевтың тапсырмасы аясында «Алматы қаласының 2025 жылға дейінгі даму бағдарламасы және 2030 жылға дейінгі орта мерзімді перспективалар» бекітілгенін атап өтті. Аталған бағдарлама жайлы қалалық орта құру, тұрақты экономикалық өсу, басқарылатын урбанизация, әлеуметтік тұрақтылық, экологиялық таза орта, Smart City және қала қауіпсіздігін қамтамасыз ету сияқты жеті негізгі қағидатқа негізделген. Осы бағдарламаның негізінде Алматы қаласын 2040 жылға дейін дамытудың жаңа бас жоспары әзірленді, оны Қазақстан үкіметі осы жылдың мамыр айында бекітті.