Ашық ақпарат көздерінен алынған мәліметтерге сәйкес, қаңтар-сәуір айлары аралығында Қазақстанда қылмыстық жолмен алынған мүлікті, оның ішінде ақшаны жылыстатудың 27 фактісі тіркелді.
Өткен жылдың алғашқы төрт айында мұндай қылмыстар бар-жоғы 12 рет тіркелді.
Аталған фактілер биыл 13 өңірде, өткен жылы тоғыз өңірде тіркелді.
Ақша жылыстату фактілері бойынша Алматы мен Алматы облысы көш бастап тұр, әрқайсысында 5 құқық бұзушылық тіркелді. Нұр-Сұлтанда төрт дерек, Атырау, Павлодар облыстарында және БҚО-да екі дерек тіркелді.
Бір жыл ішінде ақшаны жылыстатудан келтірілген залал 32,4%-ға 2,2 млрд теңгеге дейін өсті, оның ішінде жеке тұлғаларға келтірілген залал 976,1 млн теңгені, мемлекетке — 1,2 млрд теңгені құрады. Бейінді органдар 365,8 млн теңге сомасында мүлікті тәркіледі, оның 315,6 млн теңгесі мемлекетке келтірілген зиянды өтеуге жұмсалады.
