Маңғыстау облысында жаңа ірі мұнай кен орны ашылды. Бұл туралы облыс әкімінің баспасөз қызметі хабарлады.
Жаңа кен орны Маңғыстау және Бейнеу аудандарының аумағында орналасқан Тепке учаскесінде орналасқан. Мамандардың айтуынша, бұл Қазақстан тәуелсіздігін алғалы бері 30 жылда өңірде табылған ең ірі көмірсутек қоймасы.
Жаңа кен орнының жанында белгілі Қарақұдық, Арыстановское және Комсомольское кен орындары бар.
Алынған сынамалар мұнай сапасының өте жоғары, жеңіл әрі, құрамында күкірт жоқ екенін көрсетті. Жаңа кен орнына аты аңызға айналған геолог барлаушы және мұнайшы-ашушы Халел Өзбекқалиевтің есімі берілді.
«Қазіргі таңда кен орнында бар қорларды анықтау жұмыстары жүргізілуде. Бұл біздің еліміз үшін тарихи оқиға. Қысым, шығын, газ коэффициенті және басқа да параметрлер туралы алынған деректер бойынша Халел Өзбекғалиев кен орны — Маңғыстау облысында тәуелсіздік алғаннан бері ашылған ең ірі кен орны», — деп атап өтті «Меридиан Петролеум» компаниясының президенті Балтабек Қуандықов.
«Ұңғымалардың бірі шамамен 130-140 текше метр мұнай, ал екіншісі 230-240 текше метр мұнай шығарды. Бұл өте, өте зор көрсеткіш. Менің ойымша, Маңғыстау облысының аумағында және Қазақстан аумағында біздің тәуелсіздігіміз кезінде мұндай жаңалықтар болған жоқ», — деді Б. Қуандықов.
Маңғыстау облысының әкімі Серікбай Трумов мұнай кен орнын ашу өңірдің әлеуметтік-экономикалық дамуына қуатты серпін беретінін, жаңа жұмыс орындарын ашуға мүмкіндік беретінін мәлімдеді.