Қазақстан 2022 жылы 400 мыңнан астам сәби дүниеге келді, бұл былтырмен салыстырғанда 42,5 мыңға аз. Ұлттық статистика бюросының мәліметінше, жаңа туған нәрестелердің 51,5%-ы ұл, ал 48,5%-ы қыз бала. Туылғандардың жалпы санының 59,8%-ы қалада, 162,4 мыңы – 40,2% ауылды жерлерде дүниеге келген.
Қазақстанда 2022 жылы туу коэффициенті 1000 адамға шаққанда 20,57 құрады, бұл былтырмен салыстырғанда 2,93-ға аз. Ең жоғары туу көрсеткіші Маңғыстау (1000 тұрғынға шаққанда 28,53 адам), Түркістан (27,67) облыстарында және Шымкент қаласында (27,13) тіркелді.
2022 жылы туу кезіндегі аналардың орташа жасы 31,5 жасқа дейін өсті, бұл 2021 жылға қарағанда 2 жасқа ұлғайған. Қалалық жерлерде орташа жас 31,9 жас, ал ауылдық жерлерде 31 жасты құрады. Қазақстанның басым өңірінде бала туу кезіндегі әйелдердің орта жасы республикалық деңгейден жоғары болды. Республикалық маңызы бар қалалардағы бала туу кезіндегі әйелдердің ең жоғары орта жасы Астана, Алматы, ең төменгі орта жасы Түркістан облысында тіркелді. Бұл ретте алғаш босанғандардың орташа жасы 26,8 жасты құрады.
2022 жылы Қазақстанда туудың жиынтық коэффициенті былтырмен салыстырғанда 0,27-ға төмендеп, 3,05-ті құрады. Қалалық жерлерде ол 2,76, ал ауылдық жерлерде — 3,59 болды.