Енді ЕАЭО азаматтары республикада 180 күнде 90 тәуліктен аспайтын уақыт, ал басқа шетелдіктер 30 тәулік, жарты жылда максимум 90 күн бола алады
Ереженің бұрынғы редакциясында 180 күндік мерзімгеқатысты шектеулер болмаған, осылайша, шетелдіктер қысқа уақытқа елден кетіп, қайтадан келу арқылы болу мерзімін бірнеше рет жаңарту мүмкіндігінен айырылады.
«27 қаңтардан кейін келгендер үшін жаңа есеп болады. Шекарадағы компьютерлік бағдарлама осының барлығын есептейді. Ал бұған дейін елімізге келгендерге оның қатысы жоқ… Егер ол қазір кетіп, 27 қаңтарда қайтып келсе, жаңа мерзім 90 күн болады. Заңның кері күші жоқ», — деді ІІМ көші-қон қызметі комитетінің сыртқы көші-қон басқармасының бастығы Асқар Алдоңғаров.
Заңнамаға енгізілген өзгерістер оны халықаралық тәжірибеге сәйкес сәйкестендіреді.
«Бұл заңды қатаңдату емес, оны халықаралық тәжірибеге сәйкестендіру: барлық елде 90 күн ғана бола аласыз, содан кейін виза және басқа да құжаттарды рәсімдеу керек», — деді ІІМ өкілі.
Ол сондай-ақ «90/180» ережесінің Қазақстанға виза бойынша келгендерге қолданылмайтынын, өйткені олар үшін заңды болу мерзімі виза мерзімімен аяқталатынын, сондай-ақ елде уақытша тұруға рұқсат алғандарға да қолданылмайтынын айтты. Олар үшін елде болу мерзімі, өз кезегінде, еңбек келісімшартының қолданылу ұзақтығына байланысты құжаттың қолданылу мерзімімен айқындалады.
«Бұл жаңашылдық бұрыннан бері пысықталған, бұл елімізге визасыз келген барлық шетелдіктерге қатысты. Ресейдің немесе ЕАЭО елдерінің азаматтары ғана емес «визаран» (елде болу мерзімін жаңарту үшін шетелге қысқа мерзімді шығу — ред.) үшін де қолданылады. Оны Түркия мен өзге де елдердің азаматтары пайдаланады», — деп толықтырды Алдонғаров.