Қазақстанда шикізаттық емес тауарлар экспортын дамытуда маңызды қадам жасалды. Сенаторлар отандық шикізаттық емес тауарлардың экспортын қолдау бойынша жаңа институт құруға бағытталған заңды бекітті. Құжат Азаматтық және Бюджеттік кодекстерге, сондай-ақ Қазақстанның сегіз заңына түзетулер енгізуді көздейді.
Заңның негізгі ережелерінің бірі экспортты қолдау бойынша мемлекеттік кепілдіктің қолданылуын кеңейту болып табылады. Енді ол сақтандыру төлемдерін өтеу үшін ғана емес, экспорттық-кредиттік агенттік жүзеге асыратын кепілдендірілген төлемдер үшін де қолданылады. Заң сондай-ақ Агенттіктің қызметін лицензиясыз жүзеге асыру мүмкіндігін бекітеді.
Сенат төрағасы Мәулен Әшімбаев бұл заңнамалық шешім Қазақстан Президенті Қасым-Жомарт Тоқаевтың елдің шикізатқа тәуелділігінен құтылудығ стратегиялық мәні көрсетілген Жолдауына сәйкес келетінін атап өтті. Бұл заң шикізаттық емес экспортты ынталандыруға және ұлттық экспорттаушыларды мемлекеттік қолдаудың тиімділігін арттыруға бағытталған.