Қазақстан отандық өнімнің көмегімен киберқорғауды күшейтуде

Қазақстан IT-технологиялар мен электрондық өнеркәсіп саласында өндірісті дамытуда. Кәсіпорындар осы бағытта жемісті әрі тиімді жұмыс істеуде. Отандық өнімдер біздің елімізде импорттық өнімдермен қатар пайдаланылады.

Ел нарығында 12 қазақстандық өндіруші жұмыс істейді, олар сенімді бағдарламалық қамтамасыз ету мен электрондық өнеркәсіп өнімдерінің тізіліміне енгізілген.

Бүгінде тізілімде 39 отандық өнім бар. Оның ішінде Қазақстан Республикасы Цифрлық даму, инновациялар және аэроғарыш өнеркәсібі министрлігі 12 өндірушінің 18 өнімін ағымдағы жылдың басынан бастап тізілімге енгізді.

Тізілімге киберқатерлерден қорғау, ұйымдардың қызметін автоматтандыру, электрондық құжаттармен жұмыс істеу, білім беру процесін басқару, ақпараттың таралып кетуін болдырмау және т.б. бойынша бағдарламалық шешімдер енгізілді.

«Тізілім Қазақстанның АКТ-нарығындағы отандық IT-шешімдердің санын ұлғайтуды және ақпараттық қауіпсіздік талаптарына сәйкес келетін бағдарламаларды қолдану арқылы мемлекеттік органдардың ақпараттық қауіпсіздігін қамтамасыз етуді көздейді», — деп атап өтті бірінші вице-министр, ҚР цифрлық даму, инновациялар және аэроғарыш өнеркәсібі министрінің міндетін атқарушы Бағдат Мусин.

Тізілімге қатысу өндірушілерге алдын ала біліктілік іріктеу тәсілімен мемлекеттік сатып алуға қатысудың басым құқығын береді. Тізілім мемлекеттік органдар мен бюджеттік ұйымдарда ақпараттық қауіпсіздікті қамтамасыз ету үшін құрылған. Сондай-ақ бұл бастама квазимемлекеттік секторға таратуға пысықталатын болады.

Айта кету керек, 2019 жылы мемлекеттік сатып алу туралы заңнамаға түзетулер енгізілді, оған сәйкес электрондық өнеркәсіп пен бағдарламалық қамтамасыз ету өнімдері 2020 жылдың 1 қаңтарынан бастап басым тәртіппен сатып алынады.

Добавить комментарий