Қазақстанның Мәдениет министрлігінің баспасөз қызметі ведомство басшысы Аида Балаеваның Түркияға жұмыс сапары барысында Түркия президенті әкімшілігінің қоғаммен байланыс жөніндегі бас басқармасының басшысы Фахреттин Алтунмен, Жастар ісі және спорт министрі Мехмет Қасапоғлымен және дін істері жөніндегі басқарма төрағасы Әли Ербашпен кездесулер өткені туралы айтылды.
Министрліктің жетекшілік ететін салалары бойынша ынтымақтастықты дамытудың өзекті мәселелері жан-жақты талқыланды. Практикалық салалардағы әріптестікті жандандыру перспективаларына, оның ішінде ақпарат, дін салаларының мамандарын даярлау, волонтерлік қызметті дамытудағы тәжірибе және өзара озық үлгілермен алмасуды жүзеге асыру бойынша бірқатар мәселелерге ерекше назар аударылды.
Жұмыс сапары барысында TRT мемлекеттік телерадиокомпаниясының басшысы Ибрагим Эренмен, Түркия Anadolu ақпарат агенттігінің басшылығымен және Стамбулдағы телесериалдар түсіру алаңының директоры Яхия Таип Айденизбен кездесу болды.
«Qazaqstan» РТРК мен Түркияның «TRT» мемлекеттік теле-радиокомпаниясы арасында «Қорқыт ата» бірлескен телевизиялық жобасын құру туралы келіссөздерді бастау туралы келісімге қол жеткізілді. Телевизиялық мамандардың тәжірибе алмасуы аясында Аида Балаева Түркияның жетекші мамандарын қазақстандық әріптестерін оқытуға және үйретуге шақырды.
ҚР АҚДМ басшысы Түркия президенті әкімшілігінің қоғаммен байланыс жөніндегі бас басқармасының басшысы Фахреттин Алтунға шақырту үшін алғыс айтып, оны Қазақстан Республикасының «Ақпарат саласының үздігі» төсбелгісімен марапаттады.