Қазақстан көмірді автокөлікпен шығаруға тыйым салды

Қазақстандакөмірді автокөлікпен шығаруға тыйым салынды. Қазақстанда автокөлік құралдарымен шетелге көмір шығаруға тыйым салынды.

Қазақстанда көмірді автокөлікпен шығаруға тыйым салынды, деп хабарлады ҚР Индустрия және инфрақұрылымдық даму министрлігінің баспасөз қызметі.

«Көмірді елден тыс жерлерге автокөлікпен шығаруға тыйым салу туралы 14.09.2022 жылғы ҚР Индустрия және инфрақұрылымдық даму министрлігінің № 514 бұйрығы шықты», — делінген хабарламада.

Уақытша шектеу қатты отынды көршілес мемлекеттерде қайта сату үшін шығарылған фактілердің анықталуына байланысты енгізіліп отыр.

«Министрліктің бұл шешімі жергілікті көмір тиеу тұйықтары мен өңір әкімдіктерімен бірлесіп әзірленген. Басты мақсат – 2022-2023 жылдарындағы жылу беру маусымы кезеңінде көзделген межені орындау және елдегі көмір тапшылығын болдырмау», — делінген ақпаратта.

Добавить комментарий