Синоптиктер республиканың жеті облысында дауыл күтіледі деп хабарлайды. Ел аумағының басым бөлігінде тұман түседі.
«Қазгидромет» РМК мәліметінше, 31 наурызда Қызылорда облысының кей жерлерінде тұман түседі. Солтүстік-батыстан күндіз кей жерлерде 15-20 м/с жылдамдықпен жел соғады. Қызылордада күндіз солтүстік-батыстан соғатын желдің екпіні 15-20 м/с жетеді.
Түркістан облысының кей жерлерінде тұман күтіледі, солтүстік-батыстан 15-20 м/с жылдамдықпен жел соғады.
Ақмола облысының кей жерлерінде тұман күтіледі.
Қостанай облысының кей жерлерінде тұман болуы мүмкін.
Қарағанды облысында кей жерлерде тұман түсіп, көктайғақ болады. Солтүстік-шығыстан жел соғады, күндіз кей жерлерде 15-20 м/с жетеді.
Жамбыл облысында 31 наурызда күндіз , 1 сәуір күні түнде кей жерлерде нөсер жауады (жаңбыр, қар), 31 наурыз-2 сәуірде кей жерлерде тұман түсіп, көктайғақ болуы мүмкін, 31 наурыз күндіз кей жерлерде найзағай. 31 наурыз күндіз, 1 сәуір тәулік бойы кей жерлерде оңтүстік-батыстан 15-20 м/с жылдамдықпен жел соғады, екпіні 25 м/с жетеді.
Таразда түнде 1 сәуір күні нөсер (жаңбыр, қар), 31 наурыз-2 сәуірде кей уақытта тұман түсіп, көктайғақ болады, 31 наурызда күндіз найзағай ойнайды. 31 наурыз-1 сәуір күндіз оңтүстік-батыстан солтүстік-батысқа ауысып жел соғады, екпіні 15-20 м/с жетеді.
31 наурыз-1 сәуір күндері Солтүстік Қазақстан облысының кей жерлерінде тұман түседі. Оңтүстік-батыстан күндіз 31 наурызда, 1 сәуір күні түнде кей жерлерде 15-20 м/с, күндіз 1 сәуірде 15-20 м/с жылдамдықпен жел соғады, кей жерлерде екпіні 23-28 м/с жетеді.
Петропавл қаласында 31 наурыз күндіз, 1 сәуір күні бойы оңтүстік-батыстан 15-20 м/с жылдамдықпен жел соғады, 1 сәуір күндіз екпіні 25 м/с жетеді.