Қазақстанда дәрі-дәрмектерді бөлшек сауда үшін де, көтерме сауда үшін де нормаларды көздейтін жаңа ережелер бойынша сататын болады.
Ағымдағы жылдың он жетінші қыркүйегінде Денсаулық сақтау министрі дәрілік заттар мен медициналық бұйымдарды көтерме және бөлшек саудада өткізудің жаңа ережелерін бекітті.
Мысалы, дәрілік заттар мен медициналық бұйымдарды көтерме саудада өткізу объектілеріне:
дәрілік заттар мен медициналық бұйымдарды көтерме саудада өткізуді жүзеге асыратын дәріхана қоймасы;
медициналық бұйымдарды көтерме саудада өткізуді жүзеге асыратын медициналық бұйымдар қоймасы.
Дәрілік заттар мен медициналық бұйымдарды көтерме саудада өткізу мынадай шарттарды сақтай отырып жүзеге асырылады:
- дәрілік заттар мен медициналық бұйымдар фармацевтикалық қызметке лицензиясы және дәрілік заттарды көтерме саудада өткізуге лицензияға қосымшасы бар немесе қызметінің басталғаны туралы медициналық бұйымдар қоймасы арқылы хабарлаған өндірушілерден немесе субъектілерден ғана сатып алынады;
- дәрілік заттар мен медициналық бұйымдар рұқсаттар мен хабарламалар туралы заңда белгіленген тәртіппен фармацевтикалық немесе медициналық қызметке лицензиясы бар не оптика және медициналық бұйымдар дүкендері арқылы қызметінің басталғаны туралы хабардар еткен субъектілерге өткізіледі;
- дәрігердің рецептісіз беруге жататын дәрілік заттар өз қызметінің басталғаны туралы хабарлаған ветеринария саласындағы субъектілерге өткізіледі;
- дәрілік заттар мен медициналық бұйымдар сәйкестік сертификатын алғаннан кейін өткізіледі;
- өлшем құралдарына жататын медициналық бұйымдар Қазақстан Республикасының техникалық реттеу туралы заңнамасына сәйкес өлшем құралдарының типін бекіту туралы сертификат не медициналық бұйымдарды метрологиялық аттестаттау туралы сертификат болған кезде өткізіледі;
- үй-жай, алаңдар мен жабдықтар Халық денсаулығы және денсаулық сақтау жүйесі туралы кодексте белгіленген Біліктілік талаптарына сәйкес келсе;
- дәрілік заттар мен медициналық бұйымдар олардың тиімділігі мен сапасын сақтауды қамтамасыз ететін жағдайларда сақталады және тасымалданады;
Дәрілік заттар мен медициналық бұйымдарды бөлшек саудада өткізу объектілеріне: дәріхана; алғашқы медициналық-санитариялық немесе консультациялық-диагностикалық көмек көрсететін денсаулық сақтау ұйымдарындағы дәріхана пункті; шалғайдағы ауылдық жерлердегі дәріханадан ұйымдастырылған жылжымалы дәріхана пункті.
Медициналық бұйымдарды, оның ішінде көруді түзету үшін көзілдірік оптикасын, көруді түзету үшін көзілдірікті, сондай-ақ оларды күту және жөндеу бойынша ілеспе тауарларды бөлшек саудада өткізу объектілеріне: оптика дүкені; медициналық бұйымдар дүкені.
Көтерме және бөлшек сауда субъектілері мыналарды атап өтті:
- Фармацевтикалық қызмет субъектісінің атауы, оның ұйымдық-құқықтық нысаны және жұмыс режимі көрсетілген маңдайшаның қазақ және орыс тілдерінде болуы;
- Танысу үшін ыңғайлы жерде орналастыру:
- фармацевтикалық қызметке лицензияның және оған қосымшаның немесе қызметті немесе белгілі бір іс-әрекеттерді жүзеге асырудың басталғаны немесе тоқтатылғаны туралы хабарлайтын құжаттың (оның ішінде электрондық құжаттың басып шығарылған көшірмесінің) көшірмелерін;
- дәрілік заттар мен медициналық бұйымдар айналымы саласындағы мемлекеттік органның аумақтық бөлімшесінің телефон нөмірі мен мекенжайы туралы ақпаратты;
- пікірлер мен ұсыныстар кітаптары;
- анықтамалық фармацевтикалық қызмет телефондарының нөмірлері туралы ақпаратты;
- Персоналды жүйелі оқыту, бес жылда кемінде бір рет фармацевтикалық (медициналық) кадрлардың біліктілігін арттыру және қайта даярлау.
Ілеспе құжаттарға сәйкес келмейтін, жарамдылық мерзімі өткен, Қазақстан Республикасында мемлекеттік тіркеуден, сапаны бағалаудан өтпеген, бұрмаланған, республика заңнамасының талаптарына сәйкес келмейтін дәрілік заттар мен медициналық бұйымдарды өткізуге жол берілмейді.
Олар көтерме және бөлшек саудада өткізу объектілерінде басқа дәрілік заттар мен медициналық бұйымдардан оқшауланып сақталады және заңсыз қол жеткізуден қорғалған арнайы бөлінген орынға сақтауға орналастырылады және «Тиісті шаралар қабылданғанға дейін сатуға жатпайды» затбелгісімен жабдықталады.