Қазақстанда алдағы үш күнде еліміздің батыс өңірлерінде ауа температурасы төмендейді деп күтілуде. Шығыста жаңбыр жауады.
Республиканың оңтүстігі мен солтүстігінде аптап ыстық сақталады. «Қазгидромет» 21-23 шілде аралығында Қазақстанда ауа райы қандай болатыны жарияланды.
«Еліміздің басым бөлігінде, алдағы үш тәулікте солтүстік-батыс және оңтүстік циклондардың ықпалымен тұрақсыз ауа райы сақталады, жаңбыр жауады», — делінген хабарламада.
Синоптиктердің мәліметі бойынша:
22 шілдеде республиканың шығысында қатты жаңбыр жауады, найзағай, бұршақ болжанады, желдің күшеюі күтіледі.
Еліміздің батыс өңірлерінде жылудың төмендеуі байқалады,
Қазақстанның солтүстік жартысында күндізгі температура +23+28°С шегінде болады.
Еліміздің оңтүстігінде, оңтүстік-шығысында жауын-шашынсыз ыстық ауа райы сақталады, тек таулы және тау бөктеріндегі аудандарда найзағай күтіледі.
Ауа температурасының аздап төмендеуіне қарамастан, ол климаттық норма шегінде сақталады.