Қазақстанның төрт өңірінде дауылды ескерту жарияланды, деп хабарлайды «Қазгидромет» РМК баспасөз қызметі.
1 маусымда Алматы облысының шығысында, солтүстігінде және таулы, тау бөктеріндегі аудандарда найзағай күтіледі. Солтүстік-шығыстан жел соғады, облыстың шығысында 17-22, екпіні 27 м/с. 1 маусымда Талдықорғанда найзағай күтіледі. Солтүстік-шығыстан жел соғады, найзағай кезінде екпіні 15-20 м/с.
1 маусымда күндіз Қызылорда облысының орталығында және оңтүстігінде шаңды дауыл күтіледі. Жел солтүстік-шығыстан, солтүстіктен соғады, күндіз облыстың орталығында және оңтүстігінде күші 15-20 м/с күтіледі. Облыстың орталығында төтенше өрт қаупі сақталады. Қызылорда қаласында: 1 маусымда төтенше өрт қаупі сақталады.
1 маусымда Қарағанды облысының солтүстігінде, шығысында найзағай, бұршақ, дауыл күтіледі. Солтүстік-батыстан жел соғады, облыстың солтүстігінде, шығысында күші 15-20, күндіз екпіні 23 м/с.
1 маусымда Солтүстік Қазақстан облысының солтүстігінде, шығысында найзағай, бұршақ, дауыл күтіледі. Солтүстік-батыстан, солтүстіктен жел соғады, түнде облыстың солтүстігінде, шығысында екпіні 15-20 м/с, күндіз басым бөлігінде күші 15-20 м/с, екпіні 25 м/с.