Қазақстан тәуелсіз мемлекет болғалы бері РФ зымырандарды сынақтан өткізуге арналған Сары-Шаған полигонын жалға алып келеді.
Биыл көктемде Қазақстандағы Сары-Шаған полигонында зымыранға қарсы жаңа жүйені сынақтан өткізгеннен кейін қазақстандық экобелсенділердің наразылығы өрши түсті.
Экобелсенділер полигонда сынақ өткізу нысанның аумағына ғана емес, жақын маңдағы аудандарға орны толмас зиян келтіретінін айтады. Ресей бұл полигонды ҚР-дан ширек ғасырдан бері жалға алып келеді және бұл Еуразиядағы зымыранға қарсы қаруды сынауға арналған жалғыз полигон болып табылады. Осы жылдар ішінде жергілікті экологтар қоршаған ортаның ластануы жайлы проблеманы бірнеше рет көтерген.
Қазақстан халқы наразы болып отырған тағы бір аспект — бұл Мәскеудің Қазақстан аумағында атом электр станциясын салуды қолдауы болып табылады. Әрине, бұл жобаны іске асыру бірінші кезекте Кремль үшін геосаяси ықпалын күшейту және электр энергиясының тапшы болады деп болжанып отырған Қазақстанға энергетикалық тәуелсіздікті қамтамасыз етеді. Бірақ бұл электр станциясы қоршаған ортаға, халықтың денсаулығына, тіпті адамдардың өмір сүруіне қауіп төндіруі мүмкін деген фактіні жоққа шығармайды, деп есептейді құрылысқа қарсы белсенділер.
Ресейдің Қазақстандағы елшісі «Росатом» АЭС құрылысының жобасын қолға алуға, сондай-ақ станцияның қауіпсіздігі мен экологияға зиян гарантия беруге дайын екенін мәлімдеді. Бірақ белсенділер Чернобыль АЭС-тегі, сондай-ақ халық әлі ұмытпаған Фукусима-1 АЭС-тегі болған апат салдарынан болған қайғылы жағдайларды айтып, атом электр станциялары туралы сөз қозғағанда ол қауіпсіз болады дегеніне күмән келтіреді.