Қазақстанда ертең жауын-шашын күтіледі, шаңды дауыл тұрып, тұман түседі. Қазгидрометорталығы 2021 жылғы 24 қыркүйекке арналған ауа райы болжамын ұсынады.
Қазақстанның батысында, орталығында және шығысында фронталдық бөліктердің әсерінен ауа райының тұрақсыз сипаты сақталады, осыған байланысты жаңбыр жауады, орталықта және шығыста жауын-шашын (көбінесе жаңбыр түрінде) күтіледі. Республиканың қалған аумағында ауа райы жауын-шашынсыз болады. Батыста, оңтүстікте, оңтүстік-батыста, оңтүстік-шығыста, орталықта және шығыста — жел күшейеді, оңтүстікте және оңтүстік-батыста — шаң дауыл тұрады, республиканың солтүстігінде, солтүстік-батысында — тұман түседі.
Алматы облысы Жалаңашкөл ауданында желдің күші 18-23 м/с күшейеді деп күтілуде.
Күндіз Жамбыл облысының солтүстік-шығысында және оңтүстік-батысында, таулы аудандарында және Түркістан облысының батысында жел 15-20 м/с күшейеді.
Қызылорда облысының орталығы мен батысында, Маңғыстау облысының орталығында, солтүстік-шығысында шаңды дауыл тұрып, желдің жылдамдығы 15-20 м/с күшейеді деп күтілуде.
Фото: Қазгидрометорталықта 24 қыркүйек күні Қазақстанда қандай ауа райы күтілетінін айтты
Түнде Атырау облысының оңтүстігі мен орталығында, күндіз басым бөлігінде жел 15-22 м/с күшейеді деп күтілуде.
Батыс Қазақстан облысының шығысында, күндіз Ақтөбе облысының оңтүстік-батысында, солтүстік-батысында, Шығыс Қазақстан облысының солтүстігінде жел 15-20 м/с күшейеді.
Түнде және таңертең солтүстік-шығыста, Қостанай облысының шығысында, Солтүстік Қазақстан облысының оңтүстік-батысында, Павлодар облысының оңтүстігінде тұман күтіледі.
Қарағанды облысының оңтүстігі мен батысында желдің күші 15-20 м/с күшейеді.
Болжамға сәйкес, түнде Алматы, Жамбыл облыстарының солтүстігінде, таулы және тау бөктері аудандарында топырақ бетінде 1-3 градус үсік жүреді.
Түркістан, Қызылорда, Алматы қалаларының басым бөлігінде, Ақтөбе, Қарағанды, Шығыс Қазақстан облыстарының оңтүстігінде төтенше өрт қаупі сақталады.