Қазгидромет 2021 жылғы 29 қыркүйекте Қазақстанда қандай ауа райы күтілетінін хабарлады.
Атмосфералық фронталды бөліктердің әсерінен Қазақстанның басым бөлігінде ауа райы жауын-шашынды болады, елдің орталығында, оңтүстігі мен оңтүстік-батысында найзағай ойнайды. Тек республиканың батысына солтүстік антициклон әсер етеді, осыған байланысты ауа райы жауын-шашынсыз болады деп күтіледі, — деп хабарлады «Қазгидромет» РМК.
Республика бойынша жел күшейеді, оңтүстікте шаң дауыл тұрады, солтүстікте және шығыста тұман түсіп, солтүстікте көктайғақ, оңтүстікте найзағай ойнайды.
Солтүстік Қазақстан облысында желдің жылдамдығы 15-20 м/с күшейеді, түнде облыстың оңтүстік-батысында желдің екпіні 25 м/с жетеді.
Қостанай облысында жел қарқыны 15-20 м/с дейін күшейеді, облыстың батысында, солтүстік-батысында тұман түсіп, көктайғақ болады.
Фото: Фото: 29 қыркүйекке арналған ауа райы болжамы
Жамбыл облысының оңтүстік-батысында және таулы аудандарында шаңды дауыл тұрып, жел күшейеді, күндіз облыстың шығысында және таулы аудандарда найзағай ойнайды.
Ақмола облысының солтүстік-батысында тұман түсіп, көктайғақ болады, солтүстігінде жел 15-20 м/с күшейеді.
Шығыс Қазақстан облысының солтүстігінде, солтүстік-шығысында және солтүстік-батысында тұман түседі, күндіз облыстың оңтүстігінде жел 15-20 м/с күшейеді.
Қызылорда облысының солтүстік-батысында күндіз найзағай ойнайды, орталығында жел 15-20 м/с күшейеді.
Күндіз Түркістан таулы аудандарында, Ақтөбе облысының солтүстік-шығысында, Қарағанды облысының оңтүстігі мен шығысында желдің күші 15-20 м/с жетеді.
Түнде Павлодар облысының батысында тұман түседі.