Синоптиктердің болжамынша, Қазақстанда аумағының басым бөлігінде күн ашық, жауын-шашынсыз болады.
Антициклонның әсерінен 14 қыркүйек, дүйсенбі күні еліміздің барлық аумағында жауын-шашынсыз жылы ауа райы күтіледі.
Алайда Батыс Қазақстан облысына кезекті циклонның шұңқыры әсер ете бастайды, кей жерлерде найзағайлы жаңбыр жауып, жел күшейеді.
Солтүстік-батыста және шеткі солтүстікте түнгі және таңертеңгі уақыттарда кей жерлерде тұман күтіледі, деп хабарлайды Қазгидромет.
Дауылды ескерту
14 қыркүйекте күндіз Батыс Қазақстан облысының кей жерлерінде найзағай ойнайды. Оңтүстік-батыстан, күндіз батыстан 15-20 м/с жылдамдықпен жел соғады.
Қостанай облысында дүйсенбі күні түнде және таңертең кей жерлерде тұман болады.
Қызылорда облысында 14 қыркүйекте күндіз солтүстік-батыстан, солтүстіктен 15-20 м/с жел соғады. Күндіз төтенше өрт қаупі сақталады.
Аймақтардағы ауа райы болжамы
Батыс Қазақстан облысында күндіз кей жерлерде найзағай ойнайды, жел 15-20 м/с күшейеді. Қызылорда облысында күндіз кей жерлерде жел 15-2 м/с күшейеді. Қостанай, Солтүстік Қазақстан облыстарында түнде және таңертең кей жерлерде тұман күтіледі.
Қызылорда облысының басым бөлігінде, Қарағанды, Түркістан, Атырау облыстарының оңтүстігінде, Алматы облыстарының батысында төтенше өрт қаупі сақталады.
Мегаполистердегі ауа райы болжамы
Нұр-Сұлтанда көшпелі бұлт шығады, күндіз 23-25 градус, түнде 9-11 градус.
Алматыда — жылы, күндіз — 26-28 градус, түнде — 12-14 градус.
Шымкентте бұлтты, күндіз 27-29 градус, түнде 12-4 градус жылы болады.