Аустралия бірқатар Ресей азаматтарына санкция салды

Аустралия Ресейге қарсы жаңа санкция салатынын жариялады. Елдің 147 азаматы тізімге енді.

Тізімде Мария Воронцова мен Катерина Тихонова бар, олар құжатта «Ресей президенті Владимир Путиннің қыздары» делінген

Аустралия үкіметі Украинадағы жағдайға байланысты 147 ресейлікке қарсы санкция салды. Бұл туралы ІІМ-нің жұма күні жариялаған хабарламасында айтылған.

Ведомствоның хабарлауынша, Аустралияның автономиялық санкциялары Ресей Федералдық Жиналысы Федерация Кеңесінің 144 сенаторына, сондай-ақ Мария Воронцова мен Катерина Тихоноваға қарсы салынды, олар құжатта «Ресей президенті Владимир Путиннің қызы» деп жазылған.

Елдің сыртқы істер министрі Марис Пейн алдағы уақытта «Аустралия Ресейдің Украинаға басып кіруіне жауапты немесе елде ықпалы бар адамдарға қарсы шектеу шараларын енгізуді жалғастырады» деп атап өтіп, Аустралияның автономиялық санкцияларына ұшыраған ресейліктердің жалпы саны 750-ге жақындағанын айтты.

Ресей президенті Владимир Путин 24 ақпанда Донбасс республикасы басшыларының өтінішіне жауап ретінде Украинада арнайы операция жүргізетінін жариялады. Ол Мәскеудің жоспарларына Украина аумағын оккупациялау кірмейтінін, оның мақсаты елді демилитаризациялау және денацификациялау екенін атап өтті. Бұдан кейін АҚШ, ЕО, Ұлыбритания, сондай-ақ бірқатар басқа мемлекеттер ресейлік жеке және заңды тұлғаларға қарсы санкция салатынын мәлімдеді.

Добавить комментарий