Әлеуметтік желілерде Алматы халықаралық әуежайының жағдайы туралы ақпарат пайда болды. Фейсбук қолданушыларының бірінің пікірінше, жұмыс карантиндік шаралардың ешқандай сақталуы орындалмай ұйымдастырылған.
Желіні пайдаланушылардың бірінің айтуынша, қыркүйектің 15-і күні таңертең әуежайда төлқұжат бақылауында 300-ден астам адам жиналған. Ол 14 бақылау-өткізу пунктінің 11-і жұмыс істегенін атап өтті.
«Мұндай шағын алаңда ешқандай қашықтық пен әлеуметтік қауіпсіздік шаралары сақталмаған. Тіпті, физикалық тұрғыдан алғанда, бұл кіреберіс бір мезгілде бірнеше рейстерді қабылдайға қабілетті емес. Және бұл күн сайынғы ағын инфекцияны таратады. Кейін адамдарға өздері кінәлі деп тағы да айыптайды — бағынбады, бетперде тағып жүрмеді және тағы басқа. Әуежай әкімшілігі қандай шара қолданады? Неге әлі күнге дейін шара қолданылмаған?»- деп жазды ол өз парақшасында.
Көліктегі бас санитарлық дәрігер Сәдуақас Байғабұлов Ольга Пантелееваның хабарламасы тексерілетінін хабарлады.
«Мен шағымды көрдім, фотосуреттерде тәртіп бұзушылық анық көрініп тұр. Біз бәрін егжей-тегжейлі зерттеп, Алматы әуежайының әкімшілігіне қатысты шаралар қабылдаймыз. Айта кетерлігі, бұған дейін әуежайға осыған ұқсас тәртіп бұзғаны үшін айыппұл салынды», — деді ол.
Бұған дейін Байғабұлов ел тұрғындарына әуежайда тіркелу және әуе кемесінің бортына қону кезінде бетперде режимі мен әлеуметтік қашықтықты сақтауды сұраған болатын. Оның айтуынша, бұл денсаулықты сақтауға, сондай-ақ жазадан құтылуға мүмкіндік береді.
Естеріңізге сала кетейік, Алматы халықаралық әуежайына бұған дейін қысқартылған өндіріс мерзімінің аяқталуына байланысты 1600 АЕК (4 миллион 444 мың 800 теңге) көлемінде айыппұл салынған болатын. Сондай-ақ, Алматы халықаралық әуежайына санитарлық нормаларды сақтамағандықтан айыппұл салынуы мүмкін деп хабарланды.
