Атыраулық оқушылар кез-келген адам қалаған кітабын оқи алатын телеграмм-бот әзірледі. Онлайн-кітапхананың авторлары химия-биология бағытындағы «Назарбаев зияткерлік мектебінің» тоғызыншы сынып оқушылары.
Қазірдің өзінде сервиске математика, биология, физика, химия, информатика, география, Қазақстан тарихы және дүние жүзі тарихы пәндері бойынша Назарбаев Зияткерлік мектептерінің 7–12 сыныптарына арналған оқулықтар, сондай-ақ, халықаралық IELTS және SAT емтихандарына дайындық тесттері жүктелген. Әзірлеушілердің айтуынша, бұл кітаптар барлық жалпы білім беретін мектептердің оқушылары үшін пайдалы оқу құралы болмақ.
«Карантинде көптеген қағаз кітаптар қол жетімді болмағандықтан, мұғалімдер электронды нұсқаларына сілтеме жіберуге тура келді, жүйе жиі істен шығып, кітаптарды жүктеуге де ұзақ уақыт кететін. Кітапханада қажетті кітапты жүктеп, телефонда немесе компьютерде сақтауға болады», — деді жас бағдарламашылар. Балалар сервистің мүмкіндігін кеңейтіп, оған сабақ кестесін, көркем әдебиет кітаптарын және еліміздің «Назарбаев зияткерлік мектептеріне» түсу үшін дайындық тесттерін жүктеуді жоспарлап отыр.