Атыраудағы тұрғын үйлердің бірінде газ жарылды, артынан өрт шығып, күйік шалған бес адам жан сақтау бөліміне түсті. Оқиға Көкарна ауылында, Көкарна көшесіндегі үйде орын алды, газ-ауа қоспасының дүмпуі салдарынан қабырға қирап, 140 ш. м алаңда үйдің жанып кеткен.
«2024 жылғы 2 қаңтарда сағат 11:10-да Call орталығына Атырау қаласы, Көкарна ауылы, Көкарна көшесі мекен жайындағы тұрғын үйлердің бірінде түтін шығып жатқаны туралы қоңырау түсті. Өрт сөндіру бөлімшелері шақырту орнына келген кезде газ-ауа қоспасының дүмпу орын алғаны, содан кейін 9 ш. м көлемінде қабырғаның қирауы және 140 ш. м алаңда үйдің жануы анықталды», — деп хабарлады ТЖД.
Өртті сөндіруге Атырау облысы ТЖД 16 қызметкері мен 3 бірлік техника жұмылдырылды. Өрт салдарынан 5 адам күйік алып, ауруханаға жатқызылды.
Құрметті Атырау облысының тұрғындары мен қонақтары! Атырау облысы ТЖД өрт қауіпсіздігі ережелерін қатаң сақтауға шақырады!