Атырау қаласында ана өліміне байланысты үш дәрігерге қатысты айыптау үкімі шығарылды. Соттың шешімі Атырау қаласы № 2 сотының баспасөз қызметі жариялады.
№ 2 Атырау облыстық ауруханасының алты дәрігеріне қатысты кең ауқымды тергеу жұмыстары жүргізілді. Олар кәсіби міндеттерін тиісті дәрежеде орындамауы салдарынан науқас қайтыс болды деп айыпталып отыр.
Сот процесінің мәліметі бойынша, 2022 жылғы 17 қаңтарда Х. есімді жүкті әйел № 2 аурухананың мобильді бөлімшесінде COVID-19 симптомсыз түрін жұқтырғаны анықталды. Оның денсаулық жағдайына шағымданғанына қарамастан, инфекционист-дәрігерлер А. және Т., сондай-ақ акушер-гинеколог А. дер кезінде медициналық көмек көрсетпеген. Ертесінде консилиум өткізілгеннен кейін шұғыл операция жасау туралы шешім қабылданды. Алайда, Х. есімді әйелдің жағдайы күрт нашарлап, ол қайта жасалған операция кезінде қайтыс болды.
Сот А., Т.А. есімді дәрігерлердің кінәлі екенін жәбірленушінің айғақтары, куәліктері және сараптамалық қорытындысы негізінде анықтады. Олардың бірі 2,5 жыл мерзімге бас бостандығынан айырыджы, сондай-ақ үш жылға дейін өз мамандығы бойынша жұмыс істеуге тыйым салынды. Т және А есімді дәрігерлерге Қылмыстық кодекстің 63-бабына сәйкес шартты жаза тағайындалды.
Жәбірленушінің моральдық зиянды өндіріп алу туралы азаматтық талабы ішінара қанағаттандырылды. Е., С., К. есімді дәрігерлердің әрекеттерінде қылмыстық құқық бұзушылық құрамының болмауына байланысты ақталды. Үкім әлі күшіне енген жоқ, ал сот екі жеке қаулы шығарды.