Атырау облысының перинаталдық орталығының провизорлық бөлімшесі бос тұр. Кеше COVID-19 диагнозы қойылған соңғы пациент шығарылды .
«Коронавирустан айыққан әйел Атырау облыстық перинаталдық орталығынан шығарылды. Қазіргі уақытта орталықтың провизорлық стационары бос тұр», — деп хабарлады қалалық денсаулық сақтау басқармасы.
Атырау облыстық перинаталдық орталығының емдеу бөлімі директорының орынбасары Қазбек Ермағамбетовтың айтуынша, маусым айында пандемияның асқынуы кезінде орталықтың провизорлық стационарында коронавирус белгілері бар 50-ден астам жүкті әйел болған.
«50 төсекке есептелген провизорлық стационар маусым-шілде айларында бос болған жоқ. Соңғы айда ғана жағдай жақсарды. Коронавирус белгілері бар жүкті әйелдер жоқ. Бірақ босаңсымау керек. Күзгі-қысқы кезең келе жатыр, ол кезде көптеген вирустар таралады. Сондықтан санитарлық ережелер мен нормаларды қатаң сақтау қажет», — деді Ермағамбетов.
