Астананың екі азаматы Binance платформасында криптовалютаны заңсыз айырбастаумен айналысып, 7 млрд теңгеден астам сомада табыстапқаны үшін сотталды. Бұл туралы қалалық соттың ресми сайтында хабарланды.
Соттың мәліметі бойынша, айыпталушылар екі жыл бойы тыйым салынған кәсіпкерлік қызметті жүзеге асырып, цифрлық активтерді айырбастағаны үшін заңсыз ақшалай сыйақы алып отырған. Сот оларды ҚР ҚК-нің 214-бабы 2-бөлігі 2-тармағы бойынша кінәлі деп танып, біреуін — үш жылға, екіншісін — екі жарым жылға бас бостандығынан айырды.
Үкім заңды күшіне енді, қайта қаралмайды, өйткені сотталғандардың кінәсі куәгерлердің айғағымен, Binance платформасындағы әмияндар жөніндегі мәліметтермен және сараптама қорытындысымен дәлелденді.